الخبراء في الشاشات تعالوو

اللهم كل من قرأ ردي فارزقه من حيث لا يحتسب وأبعد عنه كل شر وقربه من كل خير واحفظ له أهله وماله ووسع له في رزقه 

وعليكم السلام ورحمة الله وبركاته
أخوي مر الغرابي بالرياض تحصل شاشات انواع واشكال واسعار حلوه يعني 1000 تجيبلك شاشه مع نافيقيشن وكاميرا خلفيه
بس انت دور ويمكن تلقى ارخص بعد 
ولا تنسى الضمان 6 شهور وقلهم بعد مدة بحدث الخرائط من عندكم على الضمان اشرط عليهم

الله يجزاك خير يالمطيري ماتقصر ياخوك بس البليزر هل بلقى نوع حلو له ؟

بس اركب صيني ولا وش ؟؟ وش نوعها الشاشات الي ب 1000

بس اركب صيني ولا وش ؟؟ وش نوعها الشاشات الي ب 1000

6 شهور ضمان (المحل)
ولا تاخذ ضمان الشركة المصنعه بيقولولك سنة واذا اخذت ضمان الشركه بيلطعونك لو حصل فيها خلل 
فأنا انصحك تاخذ ضمان المحل ويكتب كل شيء بالفاتوره 6 شهور وتحديث خرائط

تلقى ماركات مشهورة مثل رويال حلوة وممتازه وأغلب الأنواع تجميع دبي
وأشكال وأنواع كثيرة و20 محل جنب بعض انزل وشف اللي يناسبك

أتمنى إني أفدتك والله يرزقنا ويرزقك

المحلات معروفه في الغرابي 

وكلها ترا صينيه مافيه ياباني ههههههه خصوصا اللي في الغرابي 

انصحك تركب رود ماستر يمدحونها الشباب او افالون يقولون ممتازه وانا مركب افالون ومرتاح معها بصراحه وفيها نفيقيشن وكاميرا خلفيه ومدخل يو اس بي واوكس وكل شيء تبيه 

بس الافضل انك تركبها عند واحد تحسه ثقه وقول له ترا ابي تركيب ممتاز ع الديكور لا تخليه يجلس يلعب ويحط سفنج وتلفيق وخرابيط قول له ابي حقت البليزر واذا مافيه روح وخله ترا اغلبهم نصابين يبي يبيع وبس 

يله بالتوفيق ان شاء الله اخوي راكان 

الله يجزاكم خير 

مشكوووووووووووووووووووووووووووووور وما تقصر يا اخوي كامري الله يعطيك العافية بس ب 1000 راح القى مرادي ان شاء الله ؟؟ 

يعني بلقى افلون ورودماستر ب 1000 مع الكمره والنفقيشن .؟؟

يمكن تلقى أرخص بعد بس انت رح هناك واخذ الشكل اللي يناسب الديكور وحاول تثبته مثل ماقال اخوي كامري 
عشان مايكون مع الوقت فيه اصوات طقطقه وقلق 
الكاميرا فيه أنواع فيه من 100-300 اللي شفته والشاشات أسعارها متفاوته بس اعتقد البليزر تلقى ب800 مع النافيقيشن

والله انكم واخذين مقلب في الغرابي 
انا رحت للرياض خصيصا للغرابي ابي شاشه وشريتها يوم رحت محلات الزينه في بريده لقيت مثلها وارخص 300 ريال 
ومراح اقول اسم المحل الحين تقلون اسوي دعايا ومدري ايش

الله لايهينك يانواف تعبتك معي انت والاخوان 

ولا هنت حبيبي أهم شيء أفدناك 

ابو zozo كلامك ممكن صحيح ليش لا بس الغرابي زينه متكامله يعني تحصل أنواع كثيره بعكس محلات الزينه وغير كذا
محلات بجنب بعض يعني ماعجبك هذا رح للثاني والثالث ... وبكذا يكون أسهل ومو كل المحلات أسعارهم سوى 
يعني ممكن باعها عليك بسعر أغلى من السوق ولقيتها انت بمكان ثاني أرخص 
أو ممكن بعد مدة لقيتها أرخص 
أو ممكن مسوي تصفيه لمحل الزينه اللي ببريده 
أشياء كثيره ممكنه بس مثل الغرابي يعني أسعارهم معروفه حتى لو ماتعرف أسعارها من أول انت تمر 5 محلات تكون عرفتها أسعارها
ودور الأرخص بعدها

والله شف وانا اخوك انا حصلتها ب1200 مع التركيب طبعا للفورد وهذا كان زمان واعتقد الحين رخصت وان شاء الله تحصلها ب 1000 واسف ع تاخيري بالرد والعفو يالغالي ما سوينا شيء وانا اخوك ولا به تعب

ان شاء الله تلقى شيء يملى العين لان انا تعبت على ما حصلت الافالون وان شاء الله تحصلها سواء هي او رود ماستر طبعا انا اتكلم عن سعر الشاشه مو مع الكاميرا 

الكاميرا بتحصلها ب150 تقريبا او 200 اذا اصليه وثابته انصحك بها 

بالتوفيق يالغالي

اضغط على زر تطليع السي دي لمده من 5 الى 10 ثواني اذا الشاشه طلعت وظهر وراها مكان تحط فيه سيدي الخرايط والسي دي موجود عندي وبعطيك هو ببلاش اما اذا كان الشاشه خربانه انصحك بشاشه اسمها s 60 معروفه في محلات الشاشات تتحمل وعليها ضمان سنتين بس صيني

تلقى الشاشات الملتي ب 700 كأقل نوع " الملتي يعني تركب على غالبية السيارات بالحجم الموحد "

وبدون تقطيع اسلاك خله يفصل لك افياش ماتاخذ ربع ساعة لكن الافندي حق محل الزينة مايبي يتعب ويقوم يقطع الاسلاك